Giñ eýwanly, ak otaglar içinde,
Otyrdy giñ kalply, ak saçly ene.
Mähir paýlap, ömür diläp otyrdy,
Ýadaman, ýetýänçä iñ soñky deme.
Nesillerne ömür diläp oturan,
Ol enäniñ paýawlady peýmany.
Ene soñky demin sanap ýatyrdy,
Hemme otyr, dolduryp giñ eýwany.
Çäresiz kysmatyñ, ýüzüne bakyp,
Kalbymyzy, hassañ haly gynaýar.
Hem-de, diwardaky ullakan sagat,
Jyk-jyklap enäniñ demin sanaýar,
Şu pursatda juda ýowuz sagadyñ,
Oturmak, diñ salyp jykgyldysyna.
Ynha birden sakga sagadam durdy,
Enäñ soñky demde hykgyldysyna.
Ählimize ömür diläp oturan,
Ine şeýdip, ene bilen hoşlaşdyk.
Kyn pursatda kalbymyzy jyk-jyklap,
Paralaýan sagatdanam daşlaşdyk.
Başga wagt, üns bermedik sagadyñ,
Sekunt saýy, ömrümizden gätýänin.
Duýmadyk peýkam deý, dilleri bilen,
Soñky pellämize ädim ätýänin...
